बबई बहुमुखी क्याम्पसमा नेवि संघको नयाँ नेतृत्व चयन, रॉयल सुन्द्रम सभापति निर्वाचित

उक्त भेलामा नेपाली कांग्रेस बर्दियाका पूर्व सचिव एवं महासमिति सदस्य विद्या प्रसाद खनाल प्रमुख अतिथिका रूपमा उपस्थित रहे। विद्यार्थीको सहभागिता रहेको भेलाले लामो समयदेखि निष्क्रिय रहेको क्याम्पस इकाई समिति पुनर्गठन गर्दै रॉयल सुन्द्रमलाई सर्वसम्मत रूपमा सभापति चयन गरेको छ। साथै, ३३ सदस्यीय कार्यसमिति गठन गरिएको छ, जसले आगामी दिनमा विद्यार्थी हकहितका विषयमा सक्रिय भूमिका निर्वाह गर्ने प्रतिबद्धता जनाएको छ।
नेवि संघ बबई बहुमुखी क्याम्पस इकाई समितिको प्रतिबद्धता

विद्यार्थीहरूको शैक्षिक अधिकारको संरक्षण गर्दै गुणस्तरीय शिक्षा सुनिश्चित गर्नु।
क्याम्पस र विश्वविद्यालयमा प्रजातान्त्रिक अभ्यास र विद्यार्थी सहभागिता अभिवृद्धि गर्नु।
विद्यार्थीहरूका समस्या समाधानका ‌लागि आवाज उठाउनु।
राष्ट्रनिर्माणका लागि सक्षम र सचेत युवाहरू उत्पादन गर्नु।
नवनिर्वाचित सभापति रॉयल सुन्द्रमले विद्यार्थीको हकहित, क्याम्पस सुधार, र संगठनलाई सशक्त बनाउने संकल्प गरेका छन्। उनले आगामी दिनमा विद्यार्थी समस्याहरू समाधान गर्दै शैक्षिक सुधार, क्याम्पस व्यवस्थापनमा पारदर्शिता, र विद्यार्थी अधिकारका विषयमा नेतृत्वदायी भूमिका खेल्ने बताएका छन्।

यो नयाँ नेतृत्वले लोकतान्त्रिक विचारधाराका साथ, शैक्षिक सुधार र विद्यार्थी हितलाई पहिलो प्राथमिकता दिँदै संगठनलाई थप सक्रिय बनाउने विश्वास गरिएको छ।