रूसले १५० ड्रोनले हमला गरेको जेलेन्स्कीले जिकिर गरेका छ्न्

युक्रेनका राष्ट्रपति भ्लादिमिर जेलेन्स्कीले शनिबार राति रूसले युक्रेनमाथि करिब १५० ड्रोनमार्फत हमला गरेको दाबी गरेका छन्।

जेलेन्स्कीले आफ्नो एक्समा यसबारे जानकारी दिँदै रूसमाथि थप कडा प्रतिबन्धहरू लगाउन आह्वान पनि गरेका छन्।

गएराति रूसले युक्रेनमा करिब १५० ड्रोनमार्फत हमला गर्‍यो। यस हमलामा कीभमा तीन जनाको मृत्यु भएको छ, जसमा एकजना बुबा र उनकी पाँच वर्षीया छोरी पनि छन्। यस आक्रमणमा एक बालकसहित हालसम्म १० जना घाइते भएका छन्,’ उनले लेखेका छन् ।

जेलेन्स्कीका अनुसार, रूसबाट युक्रेनमाथि दैनिकजसो हमलाहरू भइरहेका छन्। ‘यसै हप्तामा रूसले युक्रेनमा १,५८० भन्दा बढी बम, करिब १,१०० ड्रोन र १५ वटा मिसाइल प्रहार गरेको छ,’ उनले भनेका छन् ।