नेपाली मुलका विजय पौडेल क्यानडामा संघीय सांसद पदका लागि मनोनयन

क्यानडा – नेपाली मुलका विजय पौडेल क्यानडाको संघीय संसद् सदस्य पदका लागि आधिकारिक रूपमा मनोनीत भएका छन्। कन्जरभेटिभ पार्टीका तर्फबाट हम्बर रिभर–ब्ल्याक क्रीक क्षेत्रको प्रतिनिधित्व गर्दै उनले उम्मेदवारी दिएका हुन्।

पौडेलको यो मनोनयन क्यानडामा बसोबास गर्ने नेपाली समुदायका लागि गर्वको विषय बनेको छ। लामो समयदेखि सामाजिक तथा राजनीतिक गतिविधिमा सक्रिय रहँदै आएका पौडेलले आफ्नो उम्मेदवारीलाई समुदायको समृद्धि र सशक्तिकरणसँग जोड्ने बताएका छन्।

क्यानडाको संघीय चुनावमा प्रतिस्पर्धा गर्न लागेका पौडेलले आफू जनताको सेवा गर्न प्रतिबद्ध रहेको र समावेशी नेतृत्वमार्फत सबैको हितमा काम गर्ने उद्देश्य रहेको बताएका छन्। आगामी निर्वाचनमा उनको उम्मेदवारीले कत्तिको प्रभाव पार्नेछ भन्ने हेर्न बाँकी छ, तर नेपाली मूलका व्यक्तिहरूले अन्तर्राष्ट्रिय स्तरमा पुर्‍याइरहेको उपस्थिति भने थप बलियो हुँदै गएको संकेत यसले दिएको छ।