युक्रेनी राष्ट्रपति भोलोडिमिर जेलेन्स्कीले बेलायतको समर्थन पाएका छन् ।

आफ्नो देशले ‘यस्ता साथी’ पाएकोमा आफू निकै खुसी भएको बेलायत पुगेपछि जेलेन्स्कीले स्टारमरलाई भनेका थिए । यस युद्धमा आफ्नो साथ दिएकोमा जेलेन्स्कीले बेलायतलाई पनि धन्यवाद दिएका थिए ।

यसअघि जेलेन्स्कीले अमेरिकी राष्ट्रपति डोनाल्ड ट्रम्पसँग ह्वाइट हाउसमा भेटेका थिए । दुई नेताहरूबीचको कुराकानी चर्काे बहसमा परिणत भएको थियो । जेलेन्स्की र स्टार्मरले युक्रेनी सैन्य सामाग्री आपूर्तिको लागि २ अर्ब २६ करोड पाउण्ड ऋण दिने सम्झौताा हस्ताक्षर गरेका छन् । 

अहिलेका लागि रोक्का गरेर राखिएका रूसी सम्पत्तिहरूबाट प्राप्त नाफामार्फत भुक्तानी गरिनेछ । स्टार्मरले आइतबार युरोपेली नेताहरूको शिखर सम्मेलनको आयोजना गर्दैछन् । यहाँ रूस–युक्रेन युद्ध अन्त्य गर्ने प्रयासहरूका साथै व्यापक युरोपेली सुरक्षाबारे छलफल गरिनेछ । जेलेन्स्कीले बेलायतका राजा चाल्र्स तृतीयलाई पनि भेट्नेछन् ।