बागमती प्रदेश सभाको ७ वर्ष : सरकार गठनको चापले कानुन निर्माणमा सुस्त,

प्रदेश सभाको पहिलो बैठक तत्कालीन प्रदेश प्रमुख अनुराधा कोइरालाले २०७४ माघ १८ का लागि आह्वान गरेकी थिइन् । ज्येष्ठ सदस्यको रूपमा नेकपा एमालेका सांसद डोरमणि पौडेलको अध्यक्षतामा प्रदेश सभाको पहिलो बैठक सञ्चालन भएको थियो ।संघीयता कार्यान्वयनको ७ वर्षको अवधिमा बागमती प्रदेश सभाले ८४ वटा कानुन निर्माण गरेको छ । सो अवधिमा प्रदेश सभा सचिवालयमा दर्ता भएका ९१ विधेयकमध्ये ८४ वटा पारित भएको हो । पारित भएको ८४ वटामध्ये ८२ वटा विधेयक प्रदेश प्रमुखबाट प्रमाणीकरण भई राजपत्रमा प्रकाशित भएको छ भने २ विधेयक फिर्ता भएको छ ।प्रदेश सभाको ७ वर्षको अवधिमा बजेका मूल विधेयक ६४ वटा छन् भने १८ वटाचाहिँ संशोधन विधेयक छन् । ६४ मूल विधेयकमध्ये १६ वटा सालबसाली विधेयक प्रदेश सभाबाट पारित भएको छ ।