व्यावसायिक लिगमा आबद्ध सावित्रा र रेखा फर्किए, एञ्जिला भोलि जाने

बुधबार सम्पन्न अन्तर्राष्ट्रिय महिला च्याम्पियनसिप फुटबलमा नेपाल म्यनमारसँग फाइनलमा हारेको थियो। त्रिपुरेश्वरस्थित दशरथ रंगशालमा भएको फाइनलमा खेलमा नेपाल २–० ले पराजित भएको थियो। चार देशीय यही श्रृंखलाका लागि उनीहरु स्वदेश आएका थिए।

एञ्जिलाले निस अट्रोमिटौबाट ग्रीक महिला ‘ए’ डिभिजन खेल्दै आएकी छन्। साम्बाले भने फ्रान्सको अभान्ट ग्वेन्ग्याम्पबाट शीर्ष श्रेणीको लिगमा खेल्दै आएकी छन्। उनको टोली रेलिगेसन जोनमा छ।

उनले १५ मध्ये सात खेलमा सुरुआती ११ मा स्थान बनाएकी छन्। बाँकीमा भने उनी वैकल्पिक खेलाडीको रूपमा मैदान प्रवेश गर्दै आएकी छन्। उनले क्लबबाट एक गोल मात्रै गरेकी छन्।

त्यस्तै, रेखा आवुधावी काउन्ट्री खेलिरहेकी छन्। उनले क्लबका लागि तीन गोल गरेकी छन्। तर, गत कात्तिकमा घरेलु मैदानमा सम्पन्न साफ च्याम्पियनसिपमा सात गोल गरेकी उनी यसपल्ट भने गतिलो प्रदर्शन गर्न असफल रहिन्।