व्यावसायिक लिगमा आबद्ध सावित्रा र रेखा फर्किए, एञ्जिला भोलि जाने
काठमाडौँ – नेपाली महिला राष्ट्रिय टोलीमा रहेका तीन स्टार फुटबलर आफ्नो ब्यावसायिक क्लब फुटबलका लागि प्रस्थान गरेका छन्। अखिल नेपाल फुटबल संघ (एन्फा) का अनुसार स्ट्राइकर सावित्रा भण्डारी ‘साम्बा’ र रेखा पौडेल बिहीबार नै फर्किंदा कप्तान एञ्जिला तुम्बाम्पो सुब्बा शुक्रबार फर्किनेछिन्।
बुधबार सम्पन्न अन्तर्राष्ट्रिय महिला च्याम्पियनसिप फुटबलमा नेपाल म्यनमारसँग फाइनलमा हारेको थियो। त्रिपुरेश्वरस्थित दशरथ रंगशालमा भएको फाइनलमा खेलमा नेपाल २–० ले पराजित भएको थियो। चार देशीय यही श्रृंखलाका लागि उनीहरु स्वदेश आएका थिए।
एञ्जिलाले निस अट्रोमिटौबाट ग्रीक महिला ‘ए’ डिभिजन खेल्दै आएकी छन्। साम्बाले भने फ्रान्सको अभान्ट ग्वेन्ग्याम्पबाट शीर्ष श्रेणीको लिगमा खेल्दै आएकी छन्। उनको टोली रेलिगेसन जोनमा छ।
उनले १५ मध्ये सात खेलमा सुरुआती ११ मा स्थान बनाएकी छन्। बाँकीमा भने उनी वैकल्पिक खेलाडीको रूपमा मैदान प्रवेश गर्दै आएकी छन्। उनले क्लबबाट एक गोल मात्रै गरेकी छन्।
त्यस्तै, रेखा आवुधावी काउन्ट्री खेलिरहेकी छन्। उनले क्लबका लागि तीन गोल गरेकी छन्। तर, गत कात्तिकमा घरेलु मैदानमा सम्पन्न साफ च्याम्पियनसिपमा सात गोल गरेकी उनी यसपल्ट भने गतिलो प्रदर्शन गर्न असफल रहिन्।
- जेन-जीको विद्रोही कदम : काठमाडौंदेखि सुर्खेतसम्म सडकमा नयाँ पुस्ता
- जाजरकोटको श्री रमाला आधारभूत विद्यालय, कुसे–३, जाजरकोटले आर्थिक वर्ष २०८१/८२ सालको सामाजिक लेखापरीक्षण सम्पन्न गरेको छ।
- जेनजी पुस्ताको प्रतिरोध : नेताका छोराछोरी, विलासिता र भ्रष्टाचारविरुद्ध सडक संघर्ष
- नेपाल थारु संघ बर्दियाको प्रथम जिल्ला अधिवेशन भव्य रूपमा सम्पन्न
- सुनचाँदी व्यवसायी संघ सुनचाँदी सुर्खेत र कर्णाली सुनचाँदी रत्न तथा आभूषण संघ द्वारा अन्तरक्रिया, प्रशिक्षण तथा सम्मान कार्यक्रम भव्य रूपमा सम्पन्न
