मीन विश्वकर्माविरुद्ध हर्क साम्पाङले दिए अख्तियारमा उजुरी

काठमाडौँ । धरान उपमहानगरपालिका प्रमुख हर्क साम्पाङले काँग्रेस प्रचार विभाग प्रमुख मीनबहादुर विश्वकर्माविरुद्ध अख्तियारमा उजुरी दिएका छन्।

पूर्व मन्त्री समेत रहेका विश्वकर्माले एक टेलिभिजनसँगको अन्तर्वार्तामा धरान खानेपानी योजनाको विषयमा बोलेको विषयलाई लिएर छानबिन गरी दोषी देखिएका कारबाही गर्न माग गरेका हुन्।उनले उजुरी दिएको पत्र फेसबुकमा राख्दै लेखेका छन्, ‘अख्तियारलाई फेरि एउटा काम दिएँ मैले आज, हेरौँ कतिको इमानदार भएर काम गर्दो रैछ। २४ करोडको हिनामिना देखिन्छ।’