जाजरकोटका प्रधानाध्यापक देव बहादुर बस्नेतको सांगीतिक यात्रा: देउडा गीतमार्फत संस्कृति संरक्षण

जाजरकोट, कुसे गाउँपालिका वडा नं. ३ स्थित भगवती माध्यमिक विद्यालयका प्रधानाध्यापक देव बहादुर बस्नेतले शिक्षण पेसासँगै नेपाली लोकसंगीतको क्षेत्रमा उल्लेखनीय योगदान पुर्‍याउँदै आइरहेका छन्।

उनको सांगीतिक जोश र देउडा गीतप्रतिको लगावले जाजरकोटको लोपोन्मुख देउडा संस्कृतिलाई पुनर्जन्म दिएको छ।गत चैत्र २० गते काठमाडौंमा आयोजित शिक्षक आन्दोलनका क्रममा उनले चर्चित सन्चारकर्मी कृष्ण कँडेलको इन्द्रेणी सांस्कृतिक कार्यक्रममा देउडा गीत प्रस्तुत गरी सबैको मन जितेका थिए।

यो प्रस्तुतिले उनलाई व्यापक चर्चा र माया प्राप्त भयो। यो उत्साहलाई कायम राख्दै बस्नेतले गायिका शोभा अधिकारीसँग सहकार्य गरी आफ्नो पहिलो गीत "ठिन्क्या डाली" रेकर्ड गरे। यो गीत उनको आफ्नै युट्युब च्यानलमार्फत सार्वजनिक भएको थियो र यसले बजारमा राम्रो सफलता हासिल गर्‍यो।

पहिलो गीतको सफलतापछि उनले दोस्रो गीत "सन्चै छ क्या परानी लाइ" सार्वजनिक गरे, जसले युट्युबमा करिब १३ हजार भ्यूज प्राप्त गर्न सफल भयो। हालै, बर्खे बिदाको अवसरमा काठमाडौं पुगेका बस्नेतले गायिका शोभा अधिकारीको युट्युब च्यानलमार्फत नयाँ गीत "छमक्क छमक्क" सार्वजनिक गरेका छन्।

यो गीतले पनि दर्शक र स्रोताहरूको मन जित्ने अपेक्षा गरिएको छ।एउटा विद्यालयका प्रधानाध्यापकको जिम्मेवारी निर्वाह गर्दै नेपाली लोकगायनको क्षेत्रमा सक्रिय बस्नेतको यो सांगीतिक यात्रा प्रेरणादायी छ। उनको देउडा गीतप्रतिको समर्पण र निरन्तरताले जाजरकोटको सांस्कृतिक सम्पदा संरक्षणमा महत्वपूर्ण भूमिका खेलेको छ।

उनको यो प्रयासले स्थानीय देउडा गीतलाई नयाँ पुस्तामाझ पुर्याउन र लोप हुनबाट जोगाउन ठूलो योगदान पुर्‍याएको छ। बस्नेतको यो सांगीतिक यात्राले नेपाली लोकसंगीतको संरक्षण र प्रवर्द्धनमा नयाँ आयाम थपेको छ।

उनको यो प्रयासलाई स्थानीय समुदाय र संगीतप्रेमी  सँगै, उनको यो योगदानलाई सबैले उच्च मूल्यांकन गरेका छन्। आगामी दिनमा उनको सांगीतिक यात्राले थप उचाइ प्राप्त गरोस् भन्ने  हाम्रो पनि शुभकामना!

https://youtu.be/f1BaJfzst8Q?si=cCUlWOK3a_txq6cp

पुरा भिडियो हेर्न link open गर्नुस्