पुटिन र जेलेन्स्कीसँग ट्रम्पले युद्धविरामको विषयमा वार्ता गर्ने

अमेरिकी पूर्व राष्ट्रपति डोनाल्ड ट्रम्पले सोमबार बिहान रुसी राष्ट्रपति भ्लादिमिर पुटिनसँग टेलिफोन वार्ता गर्ने घोषणा गरेका छन्। शनिबार साँझ आफ्नै सामाजिक सञ्जाल ट्रुथ सोसल मा पोस्ट गर्दै ट्रम्पले सोमबार बिहान १० बजे पुटिनसँग कुरा हुने जनाएका हुन्।

ट्रम्पले लेखेका छन्, “म सोमबार बिहान १० बजे रुसी राष्ट्रपति भ्लादिमिर पुटिनसँग फोनमा कुरा गर्नेछु। हाम्रो वार्ताको एजेन्डा रक्तपात, मृत्यु रोक्नु र व्यापार हुनेछ।”

उनका अनुसार उनले त्यसपछि युक्रेनी राष्ट्रपति भ्लोदिमिर जेलेन्स्की र नेटो गठबन्धनका अन्य सदस्य राष्ट्र प्रमुखहरूसँग पनि संवाद गर्नेछन्। ट्रम्पले आशा व्यक्त गरेका छन्, “यो एक उत्पादक दिन हुनेछ। युद्धविराम हुनेछ र यो हिंसात्मक युद्ध, जुन कहिल्यै हुनु हुँदैन थियो, रोकिनेछ।”

यसबाहेक, गत शुक्रबार इस्तानबुलमा रूस र युक्रेनबीच भएको शान्ति वार्तामा दुबै पक्षले एक हजार युद्धबन्दी आदानप्रदान गर्ने र युद्धविरामका लागि प्रस्तावहरू प्रस्तुत गर्ने सहमति गरेका थिए। यद्यपि उक्त बैठकमा पुटिन  जेलेन्स्की उपस्थित थिएनन्।

शान्ति प्रयासलाई अघि बढाउने संकेत दिँदै ट्रम्पले वार्तापछि सकेसम्म चाँडो पुटिनसँग प्रत्यक्ष भेट गर्न चाहेको बताएका छन्।