रवि लामिछानेलाई ल्याइयो भैरहवा, सोमबार मात्रै अदालत लगिने

राष्ट्रिय स्वतन्त्र पार्टी (रास्वपा)का सभापति रवि लामिछानेलाई भैरहवा ल्याइएको छ। 

शुक्रबार काठमाडौंमा पक्राउ गरी उनलाई यति एयरलाइन्सको जहाजबाट भैरहवा ल्याइएको हो।

उनलाई अहिले भैरहवास्थित रूपन्देही जिल्ला प्रहरी कार्यालय पुर्‍याइएको छ। 

लामिछाने शनिबार र आइतबार नै जिल्ला प्रहरीको हिरासतमा रहने रूपन्देहीका प्रहरी प्रमुख एसपी रञ्जितसिंह राठौरले जानकारी दिए।

उनका अनुसार आज शनिबार र भोलि सरकारी बिदा भएकाले अदालत नखुल्ने भएकाले दुई दिन लामिछाने जिल्ला प्रहरीकै हिरासतमा रहनेछन्।

‘सोमबार मात्रै बाँकी प्रक्रिया सुरू हुन्छ,’ एसपी राठौरले भने।