जाजरकोटमा ५.२ रिक्टरको भूकम्प, पैंक आसपास क्षेत्र केन्द्रविन्दु,

चैत २२ – जाजरकोट जिल्लामा शुक्रबार राति ८:०७ बजे स्थानीय परिमाण (ML) ५.२ को भूकम्पले धर्ती हल्लाएको छ। राष्ट्रिय भूकम्प मापन तथा अनुसन्धान केन्द्रका अनुसार भूकम्पको केन्द्रविन्दु पैंक आसपास क्षेत्र रहेको छ।

अचानक धक्का महसुस भएपछि स्थानीयबासी घरबाहिर निस्किएका थिए। केही सेकेन्डको कम्पन भए पनि हालसम्म मानवीय वा भौतिक क्षतिको विवरण प्राप्त भएको छैन। यद्यपि, स्थानीय प्रशासन र सुरक्षाकर्मीहरूले सम्भावित असरको मूल्याङ्कनका लागि अनुगमन तीव्र पारेका छन्।

भूकम्पले खासगरी जाजरकोट जिल्लाका ग्रामीण क्षेत्रहरूमा त्रास फैलाएको छ। भूकम्पको धक्का आसपासका जिल्लाहरूमा समेत सामान्य रूपले महसुस गरिएको जनाइएको छ। विगत केही वर्षयता जाजरकोट तथा आसपासका क्षेत्रहरूमा भूकम्पीय गतिविधि दोहोरिइरहेकाले विज्ञहरूले सतर्कता अपनाउन आग्रह गरेका छन्। यस अघि पनि जाजरकोट असोज महिना मा गएको भुकम्पले ठुलो जनधनको क्षेति भएको थियो।

स्थानीय बासिन्दाहरू सुरक्षित रहन तथा पुराना र कमजोर संरचनामा नबस्न अपिल गरिएको छ। आपतकालीन सेवाहरू सतर्क अवस्थामा राखिएको जिल्ला प्रशासन कार्यालयले जानकारी दिएको छ।

सम्बन्धित निकायहरूले थप जानकारी संकलन गर्ने कार्य जारी राखेका छन्। भूकम्पपछि परकम्पको सम्भावनालाई ध्यानमा राख्दै नागरिकहरूलाई सजग रहन अनुरोध गरिएको छ।