कर्मचारीले सोमबार तलब पाउने गरी प्रमुख प्रशासकीय अधिकृतले लगाए तोक

काठमाडौँ । काठमाडौँ महानगरपालिकाका प्रमुख प्रशासकीय अधिकृत सरोज गुरागाईँले रोकिएका कर्मचारीको तलबका लागि तोक लगाइदिएका छन् ।

शुक्रबार कार्यालय समय सुरु हुनासाथ गुरागाईंले कर्मचारीको तलबका लागि तोक लगाइदिएका हुन् ।

महानगरपालिकाका सहायक प्रवक्ता ध्रुव कुमार काफ्लेका अनुसार, आगामी सोमबारसम्म तलब हात पर्ने गरी गुरागाईंले शुक्रबार तोक लगाइदिएका हुन् ।

यसअघि गत पुस ७ गतेदेखि बिदामा बसेका गुरागाईँ हिजो (बिहीबार) कार्यालय हाजिर भएका थिए ।