बर्दियामा नेपाल विद्यार्थी संघको ऐतिहासिक विजय: १० क्याम्पसमध्ये ८ मा वर्चस्व

. नेपाल विध्यार्थी संघको यो ऐतिहासिक सफलतामा विश्वास गर्दै अमूल्य मत प्रदान गर्ने सम्पूर्ण विध्यार्थीलाई नेपाल विध्यार्थी संघ बर्दिया जिल्लाका जिल्ला सभापति  अशिम बिक्रम शाहले  हार्दिक धन्यवाद व्यक्त गरेका छन्। साथै, अन्य विद्यार्थी संगठनहरू—अनेरास्ववियु, अखिल क्रान्तिकारी, नागरिक विद्यार्थी समाज, तथा समाजवादी विद्यार्थी युनियन—ले ने.बि.संघको नेतृत्वलाई स्वीकार्दै जित सुनिश्चित गर्न महत्वपूर्ण योगदान पुर्‍याएकोमा विशेष आभार व्यक्त गरिएको छ।

नेपाली कांग्रेसका   सहमहामन्त्री तथा १२औं महाधिवेशन निर्देशन संयोजक, सांसद किशोर सिंह राठौरद्वारा सञ्चालन गरिएको राष्ट्रव्यापी सदस्यता वितरण अभियानले बर्दियामा उल्लेखनीय प्रभाव पार्न सफल भएको छ। सो अभियानको प्रभावस्वरूप, बर्दियामा २५०० भन्दा बढी विद्यार्थीहरूले ने.बि.संघको सदस्यता लिएका छन्, जुन जिल्लाको विद्यार्थी आन्दोलनको इतिहासमै पहिलो पटक भएको महत्वपूर्ण उपलब्धि हो।

नेपाल विद्यार्थी संघ बर्दिया जिल्लाका सभापति अशिम बिक्रम शाहले यस ऐतिहासिक विजयबारे जानकारी गराउँदै ने.बि.संघलाई बर्दियामा सबैभन्दा विश्वासिलो र लोकप्रिय विद्यार्थी संगठनका रूपमा स्थापित गर्न सफल भएकोमा गर्व व्यक्त गरेका छन्।