शिक्षा संकायको डिन कार्यालयमा विद्यार्थीले ताला लगाएका छन्

त्रिवि, शिक्षा संकायको डिन कार्यालयमा विद्यार्थीहरूले ताला लगाएका छन् ।

शिक्षा शास्त्र केन्द्रीय विभागमा अध्ययनरत विद्यार्थीको तेस्रो सेमेस्टरको नतिजामा ६८ प्रतिशत विद्यार्थी अनुत्तीर्ण भएपछि विद्यार्थीहरूले ताला लगाएका हुन् ।

सेमेस्टर प्रणालीमा अनुत्तीर्ण हुनु भनेको प्रणाली नै फेल भएको हामी सम्पूर्ण विद्यार्थीको बुझाइ हो,’ ३० जना विद्यार्थीले हस्ताक्षर गरेको पत्रमा भनिएको छ ।

तेस्रो सेमेस्टरको ‘मेजसरमेन्ट एन्ड इभ्यालुएसन इन एजुकेसन’ विषयमा प्रश्न नै गलत सोधेको कारण नतिजा सन्तोषजनक नभएको विद्यार्थीहरूको आरोप छ ।

सहायक डिन जन्तराज कार्कीका अनुसार पनि नतिजामा असन्तुष्टि जनाउँदै विद्यार्थीले ताला लगाएका हुन् । ‘३० जना विद्यार्थीले हस्ताक्षर गरेर ताला लगाएका छन् । अनुत्तीर्ण भएका कारण ताला लगाएका हुन्,’ उनले भने ।