मकवानपुरको कैलाश गाउँपालिकाले SEE परीक्षार्थीका लागि बास र खानाको व्यवस्था गर्ने

मकवानपुरको कैलाश गाउँपालिकाले एसईई परीक्षा दिने विद्यार्थीहरूको सुविधा सुनिश्चित गर्न सराहनीय कदम चालेको छ। गाउँपालिकाले आफ्ना क्षेत्रका परीक्षार्थीहरूका लागि परीक्षा केन्द्रमै बास बस्न र खानाको पूर्ण व्यवस्था गर्ने निर्णय गरेको छ।

विगतमा धेरै विद्यार्थीहरूलाई परीक्षा केन्द्रसम्म पुग्न लामो यात्रा गर्नु पर्ने, खर्चको समस्या हुने, र बसाइको असुविधाले मानसिक दबाब सिर्जना गर्ने चुनौती थियो। तर, यसपालि गाउँपालिकाले यी समस्याहरूलाई मध्यनजर गर्दै आवश्यक व्यवस्थापन गर्ने भएको हो।

“विद्यार्थीहरूलाई आरामदायी वातावरणमा परीक्षा दिन सहज बनाउनु हाम्रो मुख्य उद्देश्य हो। हामीले अभिभावकहरूलाई पनि चिन्तामुक्त बनाउने उदेश्य राखिएको छ।

यस व्यवस्थाले आर्थिक रूपमा कमजोर विद्यार्थीहरूलाई ठूलो राहत दिने विश्वास गरिएको छ। साथै, यो पहल शिक्षा क्षेत्रमा स्थानीय तहको सकारात्मक हस्तक्षेपको उत्कृष्ट उदाहरण बनेको छ।