नेभिगेशन
समाचार

लाल मोहम्मद हत्याका आरोपी प्रहरी नियन्त्रणमा

प्रहरीले काठमाडौंको टोखाबाट एक फरार आरोपीलाई गोली हानेर नियन्त्रणमा लिएको छ । उपत्यका अपराध अनुसन्धान कार्यालयले भारतीय नागरिक गुड्डु पटेललाई पक्राउ गरेको हो ।

पटेल दुई वर्षअघि काठमाडौंको गोठाटारमा लाल मोहम्मद हत्याका एक आरोपी हुन् । उपत्यका अपराध अनुसन्धान कार्यालयका प्रमुख एसएसपी रमेश बस्नेतका अनुसार भारतबाट नेपाल आएको सूचना पाएपछि प्रहरीले उनको पिछा गरेको थियो । टोखा क्षेत्रमा रहेको सूचना पाएर पुगेको प्रहरीले पटेललाई नियन्त्रणमा लिन दुई राउन्ड हवाई फायर गरेको थियो । प्रहरीमाथि नै आक्रमणको प्रयास गरेपछि बल प्रयोग भएको एसएसपी बस्नेतले जानकारी दिनुभयो ।

२०७९ साल असोजमा काठमाडौंको गोठाटारमा गार्मेन्ट उद्योग चलाएर बसेका लाल मोहम्मदको गोली हानी हत्या भएको थियो । घटनाका अर्का आरोपी गत वर्ष पर्सामा पक्राउ परिसकेका छन् ।

प्रकाशित मिति:
प्रतिक्रिया दिनुहोस्
Weather Update