श्रीमतीको हत्या गरिएको अवस्थामा शव फेला, छोरीलाई लिएर श्रीमान् फरार

धनुषाका प्रहरी प्रवक्ता प्रहरी नायव उपरीक्षक वरुणबहादुर सिंहले शनिबार महिलाको शव फेला परेको र दिउँसो १ बजेतिर मुचुल्का लगायतको प्रारम्भिक काम गरेर शव पोष्टमार्टमका लागि प्रादेशिक अस्पताल जनकपुरमा पठाएको जानकारी दिए।

उनले भने, ‘श्रीमान–श्रीमतीबीच झगडा भएको थियो। श्रीमानले श्रीमती भाग्यो भनेर गाउँमा नाटक गरेका थिए आफू पनि १० महिनाको बच्चालाई लिएर मंगलबारदेखि बेपत्ता छन्।’

प्रवक्ता सिंहले गत शनिबार नै अञ्जलीको हत्या भएको बताए। उनले आइतबार मृतकका श्रीमान हरिराम यादवले श्रीमती भागेको भनेर गाउँमा सबैलाई भनेका थिए।

मंगलबार मृतकका श्रीमान् १० महिने छोरीसहित घरमा ताल्चा लगाएर बेपत्ता भएपछि स्थानीयले शंका गरेपछि शनिबार घरको ताल्चा खोल्दा पूजा घरमा शव फेला परेको हो। यस सम्बन्धमा थप अनुसन्धान भइरहेको प्रहरीले जनाएका छन्।