पिलेन उडाउनी’मा नाजिर र स्मारिकाको अभिनय

काठमाडौँ । गीतकार तथा संगीतकार नरहरि प्रेमीले नयाँ गीत ‘पिलेन उडाउनी’ बजारमा ल्याएका छन् । काठमाडौंमा आयोजित एक कार्यक्रमका बिच गीतको भिडियो तथा अडियो सार्वजनिक गरिएको हो ।सार्वजनिक गीतको भिडियोमा अभिनेता नाजिर हुसेन र मोडल स्मारिका ढकालको अभिनय छ । गीत रिलिज कार्यक्रममा वरिष्ठ संगीतकार शम्भुजित बास्कोटा र एसपी काेइराला लगायतको सहभागिता थियो ।गीतमा गायिका अस्मिता अधिकारी र सुरज गुप्ताको स्वर छ । गायक गुप्ताको यो पहिलो गीत हो । गीतको भिडियोलाई राज कुमारले निर्देशन तथा सम्पादन गरेका छन् ।नरहरि प्रेमीको अफिसियल युट्युब च्यानलबाट सार्वजनिक गरिएको भिडियो बुद्ध थापाले छायांकन गरेका हुन् । डिएन गुप्ता निर्माता रहेको गीतको सहनिर्माता निर्मला देवी गुप्ता र सन्ध्या गुप्ता हुन् ।