नेभिगेशन
समाचार

जाजरकोटमा मोटरसाइकल दुर्घटनामा एक जनाको मृत्यु

जाजरकोटमा मोटरसाइकल दुर्घटनामा एक जनाको मृत्यु

जाजरकोटमा मोटरसाइकल दुर्घटनामा एक जनाको मृत्यु

खलंगा – जाजरकोटमा मोटरसाइकल दुर्घटनामा परी एक जनाको मृत्यु भएको छ।

शनिबार नलगाड नगरपालिकाको दल्लीबाट सदरमुकामतर्फ आइरहेको भे ५ ख ३६६० नम्बरको मोटरसाइकल भेरी नगरपालिका-१ स्थित रिगौटा मोड नजिक दुर्घटनाग्रस्त भएको हो।

दुर्घटनामा मोटरसाइकलमा सवार भेरी नगरपालिका-२, रिसाङका ४० वर्षीय टली विकको मृत्यु भएको जाजरकोट प्रहरी कार्यालयले जनाएको छ।

गम्भीर घाइते भएका विकलाई तत्कालै उद्धार गरी थप उपचारका लागि नेपालगञ्ज पठाइए पनि उपचारकै क्रममा उनको मृत्यु भएको अस्पताल स्रोतले जानकारी दिएको छ।

प्रहरीका अनुसार दुर्घटनाको कारणबारे अनुसन्धान भइरहेको छ। सडकको भौगोलिक अवस्था वा अन्य कुनै कारणले दुर्घटना भएको हो वा होइन भन्ने विषयमा थप जानकारी आउन बाँकी रहेको बताइएको छ।

प्रकाशित मिति:
प्रतिक्रिया दिनुहोस्
Weather Update