खगेन्द्र सुनार नेतृत्वको ‘हाम्रो पार्टी नेपाल’ दर्ता, गोलो घेराभित्र ‘लाइक’ चिन्हसहित नयाँ राजनीतिक यात्रा सुरु

खगेन्द्र सुनारको नेतृत्वमा गठन गरिएको हाम्रो पार्टी नेपाल सोमबार औपचारिक रूपमा निर्वाचन आयोगमा दर्ता भएको छ। बाजागाजा र उत्साहसहित आयोग पुगेका सुनार र उनकी टोलीले पार्टी दर्ता प्रमाणपत्र हातमा लिएपछि नयाँ राजनीतिक यात्राको शुभारम्भ भएको घोषणा गरेका छन्।

निर्वाचन आयोगका अनुसार कात्तिक १८ गते दर्ता अनुरोध परेकोमा आइतबार आयोगले दर्ता स्वीकृत गर्ने निर्णय गरेको हो। आयोगले यस दललाई दर्ता नम्बर २१६ प्रदान गरेको छ।

पार्टीको चुनाव चिन्ह ‘गोलो घेराभित्र राम्रो जनाउने लाइक चिन्ह’ रहेको छ, जसले सकारात्मक सोच, जनसमर्थन र नयाँ पुस्ताको ऊर्जा प्रतिनिधित्व गर्ने बताइन्छ।

आयोगका अनुसार नेपालमा हालसम्म दर्ता राजनीतिक दलको संख्या १३२ पुगेको छ। नयाँ दल दर्ता हुँदा राजनीति क्षेत्रमा स्वस्थ प्रतिस्पर्धा, नयाँ आवाज र नयाँ विकल्प बढ्दै गएको आयोगको धारणा छ।

हाम्रो पार्टी नेपालका अध्यक्ष सुनारले दर्तापछि भने, “हामी सकारात्मक राजनीति, पारदर्शिता र जनताका आशा पुरा गर्ने यात्रामा हिँडिरहेका छौं। जनतासँग जोडिएर काम गर्ने हाम्रो प्रतिबद्धता हो