सभामुखले बोलाएको सर्वदलीय बैठक सुरु, कुन-कुन दल छन् सहभागी ?

सभामुख देवराज घिमिरेको आह्वानमा सर्वदलीय बैठक सिंहदरबारमा सुरु भएको छ। बुधबार सिंहदरवारस्थित सभामुखको कार्यकक्षमा संसद् विघटनसम्बन्धी विषयमा दलहरूको राय लिन सभामुखले सर्वदलीय बैठक बोलाएका हुन्।

बैठकमा प्रमुख राजनीतिक दलहरू — नेपाली कांग्रेस, नेकपा एमाले, नेकपा माओवादी केन्द्र, राष्ट्रिय प्रजातन्त्र पार्टी (राप्रपा), जनता समाजवादी पार्टी (जसपा) नेपाल, लोकतान्त्रिक समाजवादी पार्टी (लोसपा), नागरिक उन्मुक्ति पार्टी (नाउपा) र जनमत पार्टीका प्रतिनिधिहरू सहभागी छन्।

तर राष्ट्रिय स्वतन्त्र पार्टी (रास्वपा) भने उक्त छलफलमा सहभागी नभएको एक नेताले बताएका छन्।

संसद् विघटनका विषयमा दलहरूको धारणा बुझ्न सभामुखले गरेको यो बैठकलाई राजनीतिक रूपमा महत्वपूर्ण छलफलको रूपमा हेरिएको छ।