ऊर्जामन्त्रीमा कुलमान घिसिङ, पदभारसँगै वक्यौता रकम उठाउने निर्णय

नवनियुक्त ऊर्जामन्त्री कुलमान घिसिङले सोमबार मन्त्रालयमा पदभार ग्रहण गरे । पदभार ग्रहण गर्दै उनले पहिलो निर्णयस्वरूप नेपाल विद्युत् प्राधिकरणका उपभोक्ताबाट उठ्न बाँकी वक्यौता रकम तत्काल उठाउने आदेश जारी गरेका छन् ।

घिसिङले पदभार ग्रहण समारोहलाई पनि साधारण बनाउँदै खादा, माला र अबिर नलिने घोषणा गरेका छन् । उनका अनुसार औपचारिकताभन्दा कामलाई प्राथमिकता दिने नीति अपनाइनेछ ।

उनले पदभार ग्रहण समारोहमै विद्युत् आपूर्तिको गुणस्तर सुधार, वक्यौता रकम समयमै उठाउने र ऊर्जा क्षेत्रमा सुधारका कार्यक्रमलाई तीव्रता दिने प्रतिबद्धता व्यक्त गरेका छन् ।