सुनचाँदी व्यवसायी संघ, सुर्खेतद्वारा अन्तरक्रिया तथा प्रशिक्षण कार्यक्रम हुने

सुनचाँदी व्यवसायी संघ, सुर्खेतको आयोजनामा अन्तरक्रिया तथा प्रशिक्षण कार्यक्रम यही २०८२ साल भदौ २१ गते आयोजना हुने भएको छ।

“श्रम र सीपको विकास गरौं” भन्ने नारासहित सञ्चालन हुने कार्यक्रम कौशिक सभाहल, आन्तरिक राजस्व कार्यालयअगाडि, सुर्खेतमा हुनेछ।

संघले कार्यक्रममा सुनचाँदी व्यवसायमा संलग्न व्यवसायी, सरोकारवाला निकाय, विज्ञ तथा संघ-संस्थाका प्रतिनिधिहरूको गरिमामय उपस्थिति रहोस् भन्ने अपेक्षा राखेको छ।

सुनचाँदी व्यवसायसँग सम्बन्धित विविध विषयमा सीप, कानुनी पक्ष, प्रविधि र व्यवसायिक अनुशासनबारे प्रशिक्षण र अन्तरक्रिया गरिने कार्यक्रमले व्यवसायीहरूको ज्ञान र क्षमता अभिवृद्धिमा टेवा पुग्ने विश्वास आयोजकले जानकारी गराएका छन्।