मायाका डल्ला वल्ला कि पल्ला’ : तीजको रौनक बोकेर बजारमा नयाँ तीज गीत

नेपाली तीज पर्वको रमझम नजिकिँदै गर्दा बजारमा नयाँ तीज गीत ‘मायाका डल्ला वल्ला कि पल्ला’ सार्वजनिक भएको छ। जानकी म्युजिकमार्फत विश्वभर रिलिज भएको यो गीतले तीजको रौनकलाई थप उजागर गरेको छ। गायक मिन प्रकाश ओली र नविना सिलुवाल खुइलीको कर्णप्रिय स्वरले सजिएको यो गीतले दर्शक र श्रोताको मन जित्ने अपेक्षा गरिएको छ।

गीतको शब्द सुमन ढकाल र मिन प्रकाश ओलीले रचना गरेका छन् भने लय मिन प्रकाश ओलीको रहेको छ। गीतको भावले मायाको भ्रम र द्विविधालाई रोचक ढंगले प्रस्तुत गरेको छ। ‘मायाका डल्ला वल्ला कि पल्ला’ गीतको थेगोले माया यता कि उताको भन्ने भ्रममा गायक रहेको कथालाई जीवन्त बनाएको छ। सर्जकका अनुसार, यो गीतले मायाको अनिश्चितता र भावनात्मक द्वन्द्वलाई शब्द र संगीतमार्फत सुन्दर ढंगले व्यक्त गरेको छ।

गीतको म्युजिक भिडियोमा रितु वस्नेत, सन्चिता बोलाखे, बाबुराम सुनार र भुपेन्द्र डागीको जीवन्त अभिनय रहेको छ। भिडियोलाई मुकेश नेपालीले कोरियोग्राफी र निर्देशन गरेका छन् भने दिपक गिरिको उत्कृष्ट छायांकन र मिन रावलको सम्पादन तथा कलर ग्रेडिङले भिडियोलाई थप आकर्षक बनाएको छ। भिडियोमा तीजको रमाइलो माहोलसँगै मायाको भ्रम र रंगिन प्रस्तुतिलाई जीवन्त रूपमा देखाइएको छ।

गायक मिन प्रकाश ओलीका यसअघिका गीतहरू ‘विर्से बावु आमा’ र ‘घामको छाया हे माया’ ले पनि व्यापक लोकप्रियता कमाएका थिए। उनको यो नयाँ सिर्जना ‘मायाका डल्ला वल्ला कि पल्ला’ ले पनि दर्शक र श्रोताको माया पाउने विश्वास गरिएको छ। गीतको भिडियो युट्युब लिंक  https://youtu.be/M_BfJ9hpcuQ?si=myhz2tTOdlMmjS6R विश्वभरका दर्शकले हेर्न सक्नेछन्।

तीजको रंगलाई थप उज्यालो बनाउने यो गीतले नेपाली संगीतप्रेमीहरूलाई उत्साह र मनोरञ्जन प्रदान गर्ने निश्चित छ।