जाजरकोटमा लडेर घाइते भएकी ७० वर्षीया महिलाको उपचारका क्रममा मृत्यु

जिल्ला प्रहरी कार्यालय जाजरकोटका अनुसार स्थानीय ७० वर्षीया विष्णु परियार आइतबार दिउँसो करिब १२:१० बजे ठाँटीस्थित बाग्लुङ होटलको हेरचाह गरिरहेकी अवस्थामा बारीको छेउमा सुतिरहेको बेला एक्कासी उठ्ने क्रममा करिब ५ मिटर तल सडकमा खसेकी थिइन्।
खस्दा टाउकोमा गम्भीर चोट लागेपछि उनलाई तत्कालै जिल्ला अस्पताल जाजरकोट पुर्याइएको थियो। तर, उपचारकै क्रममा सोही दिन दिउँसो १२:४० बजे उनको मृत्यु भएको प्रहरीले जनाएको छ।

घटनाको जानकारी प्राप्त भएपछि जिल्ला प्रहरी कार्यालय जाजरकोटबाट प्रहरी निरीक्षक प्रेम हमालको नेतृत्वमा ६ जना प्रहरी टोली घटनास्थलमा खटिएको थियो। हाल घटनाबारे थप अनुसन्धान भइरहेको प्रहरीले जनाएको छ।